Ballina / Shqipe / Tetë shqiptarë të Kosovës të arrestuar për terrorizëm në Belgjikë

Tetë shqiptarë të Kosovës të arrestuar për terrorizëm në Belgjikë

Në një operacion të gjerë në kuadrin e luftës anti-terrorit në Belgjikë janë arrestuar tetë persona. Të arrestuarit dyshohen se kanë qenë pjesë aktive të një grupimi terrorist që rekrutonte dhe financonte gjihadistë për të luftuar për grupimin terrorist ISIS.

Deri tani, prokuroria belge nuk ka bërë të ditur asnjë detaj për identitetin e të arrestuarve gjatë ditës së djeshëm. Por një burim që ka ndjekur operacionin nga afër, tha për ABC News që personat e arrestuar janë pjesë të komunitetit shqiptar nga Kosova dhe një pjesë janë nga një familje.

Shumica e aksioneve janë zhvilluar në qytetin Sint-Niklaas dhe Antwerpen, por aksione të tjera janë zhvilluar në Brugge dhe Schaarbeek. Këto qytete janë në pjesën holandisht-folëse të Belgjikës, të pozicionuar në veri të Brukselit në afërsi me Holandën.

Të dyshuarit aktualisht po mbahen në arrest pasi mendohet që ata kanë luajtur një rol aktiv për të rekrutuar dhe për të dërguar luftëtarë në Siri.

Sipas prokurorisë belge, një pjesë e organizatës qëndronte në Belgjikë dhe pjesa tjetër operonte nga Siria. Ata kanë nisur shuma parash dhe kanë mbështetur me ndihma të tjera luftëtarët e Shtetit Islamik.

Gjatë arrestimeve nuk janë gjetur eksplozivë apo armatime.

- Lajme

Lajme

Infosite është portal informativ dhe është dritarja ku ju do të keni mundësi të njiheni me informacione të fushave të ndryshme.

Shiko

Arrestohen dy kosovarë në Gjermani, dyshohet se po planifikonin sulme terroriste

Dy vëllezër kosovarë janë arrestuar në orët e para së të premtes në qytetin gjerman …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

lajme.infosite.allajme.infosite.co