Ballina / Kosova / Sot mblidhet Kuvendi, interpelanca e Thaçit shtyhet

Sot mblidhet Kuvendi, interpelanca e Thaçit shtyhet

Në mbledhjen e sotme plenare të Kuvendit të Kosovës, pas kohës për Deklarime jashtë rendit të ditës dhe Pyetjeve parlamentare, është dashur të zhvillohet interpelanca e ministrit të Punëve të Jashtme të Republikës së Kosovës, Hashim Thaçi, për përgjegjësinë lidhur me procesin e demarkacionit të kufirit në mes Republikës së Kosovës dhe Republikës së Malit të Zi, por me kërkesën e tij për “shkak të agjendës së ngjeshur nuk ka mundësi t’i përgjigjet kërkesës së Kuvendit” kjo nuk do të jetë në rendin e ditës.

Më pas deputetët do të shqyrtojnë rekomandimin e Komisionit të posaçëm për zgjedhjen e dy gjyqtarëve në Gjykatën Kushtetuese të Republikës së Kosovës dhe të zgjedhin një anëtar i Këshillit të Pavarur Mbikëqyrës për Shërbimin Civil të Kosovës, raporton Koha.net.

Në seancën e sotme pritet të shqyrtohen edhe dy raporte: Raporti i Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit për mbikëqyrjen e zbatimit të Ligjit për Ekzekutimin e Sanksioneve Penale, si dhe raporti i Komisionit për Bujqësi, Pylltari dhe Mjedis e Planifikim Hapësinor për cilësinë e grurit të importuar.

- lajme

Infosite është portal informativ dhe është dritarja ku ju do të keni mundësi të njiheni me informacione të fushave të ndryshme.

Shiko

Dogana e Kosovës parandalon kontrabandën prej 7 ton duhan të papërpunuar (FOTO)

Njësitë e Doganës së Kosovës në bashkëpunim me njësitë policore në rajonin e Ferizajt, në …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

lajme.infosite.allajme.infosite.co